Շատ նոր վարորդների համար քաղաքում մեքենա վարելը կարող է լարվածություն առաջացնել։ Վթարներից, խիտ երթևեկությունից, անծանոթ փողոցներից կամ կողմնակի դիտողություններից առաջացած վախը շատ տարածված է։ Բայց այդ վախը հաղթահարելի է։ Ցանկացած վստահ վարորդ էլ ժամանակին սկսել է փոքր քայլերով։ Ստորև ներկայացնում ենք 5 կիրառելի խորհուրդ, որոնք կօգնեն քեզ վստահ սկսել ճանապարը, որպես վարորդ։

1️⃣ Սկսի՛ր հեշտ երթուղիներով Քաղաքում  վարելը միանգամից չպետք է սկսվի խիտ ու բարդ ճանապարհներով։ Սկզբում պետք  է  ընտրել  ավելի հանգիստ թաղամասեր, երկրորդական փողոցներ կամ ծայրամասային գոտիներ, որտեղ երթևեկությունը մեղմ է։ Այդպիսի երթուղիներում վարելը կօգնի կենտրոնանալ՝ առանց խոչընդոտող արտաքին գործոնների։ Երբ սկսում ես զգալ քեզ ավելի հարմար և վստահ, կարող ես աստիճանաբար փորձել նաև գլխավոր փողոցները ։

2️⃣ Վարժվի՛ր ցերեկային ժամերին վարելուն Կեսօրին կամ առավոտյան վարելը զգալիորեն նվազեցնում է անհանգստության մակարդակը։ Ցերեկային ժամերին փողոցները ավելի լավ տեսանելի են, նշանները՝ հստակ, իսկ կողմնորոշվելը՝ հեշտ։ Սա հատկապես կարևոր է սկսնակների համար, ովքեր դեռ սովորում են արագ կողմնորոշվել երթևեկության մեջ։ Երբ սկսես քեզ վստահ զգալ ցերեկը վարելիս, ավելի հեշտ կլինի անցում կատարել երեկոյան կամ գիշերային վարելուն։

3️⃣ Սովորի՛ր մեքենայիդ հնարավորությունները Վստահությունը գալիս է ոչ միայն ճանապարհին ունեցած փորձից, այլ նաև մեքենայիդ նկատմամբ ունեցած վստահությունից։ Փորձիր մեքենայիդ գործառույթները՝ ազատ տարածքում՝ փորձարկելով արգելակը, արագացումն ու ղեկի զգայունությունը։

4️⃣ Անտեսի՛ր կողմնակի շեղումները Վարելիս կենտրոնացած լինելը ամենակարևոր կետերից մեկն է ։ Մի փորձիր կռահել՝ ինչ են մտածում կողքից վարորդները կամ հետևում կանգնած մեքենան։ Նրանց արձագանքները չպետք է քեզ շեղեն։ Ամենակարևորը՝ քո և մյուսների անվտանգությունն է։

 5️⃣Վերապատրաստվի’ր փորձառու հրահանգչի հետ Քաղաքում վարելու վախը հաճախ կապված է այն մտքի հետ, որ մենակ ես ճանապարհին։ Բայց երբ քեզ հետ փորձառու և հավասարակշիռ հրահանգիչ է, նույնիսկ ամենաբարդ իրավիճակներն ավելի հանգիստ են անցնում։ Նրա խորհուրդները, ժամանակին տրված ուղղորդումները և հոգեբանական աջակցությունը թույլ են տալիս հաղթահարել ցանկացած վախ՝ անգամ ամենաաշխույժ խաչմերուկում։