Ճանապարհատրանսպորտային ամեն մի  պատահարի քննության արդյունքում որոշվում է դրա պատճառը։Զոհերով և վիրավորներով պատահարների հիմնական պատճառներից մեկը շարունակում է մնալ ոչ սթափ վիճակում մեքենա վարելը և արագության գերազանցումը։Մայրաքաղաքում և մարզերում պարեկային ծառայությունն ու ՃՈ-ն պարբերաբար կազմակերպում են  ոչ սթափ վարորդներ հայտնաբերելու միջոցառումներ,որոնց արդյունքները ամեն շաբաթյա պարբերականությամբ ներկայացվում են հանրությանը։Ալկոհոլ օգտագործած վիճակում մեքենա վարող մարդկանց նկատմամբ կիրառվում է սանկցիաններ։  Վարչական իրավախախտման վերաբերյալ ՀՀ Օրենսգրքի 126-րդ հոդվածը վերաբերում է տրանսպորտային միջոցը ոչ սթափ վիճակում վարելուն։Տրանսպորտային միջոցը ոչ սթափ վիճակում վարելն առաջացնում է տուգանքի նշանակում 150․000 դրամի չափով։ Իսկ եթե վարորդի արյան 1լիտրի  մեջ մաքուր ալկոհոլի պարունակությունը գերազանցում է 1գրամը ,կամ եթե վարորդի 1 լիտր արտաշնչած օդի  մեջ մաքուր ալկոհոլի  պարունակությունը գերազանցում է 0․5մգ-ը ,ապա վարորդը 1 տարի ժամկետով զրկվում է տրանսպորտային միջոց վարելու իրավունքից ։Եթե վարորդը խուսափում է սթափության վիճակը ստուգելու նպատակով զննություն անցնելուց ,ապա նա  2 տարի ժամկետով զրկվում է  տրանսպորտային միջոց վարելու իրավունքից ։ Եթե վարորդական իրավունքից զրկված անձը մեքենա վարի դարձյալ ոչ սթափ վիճակում  կամ հրաժարվի սթափության վիճակը ստուգելու նպատակով զննություն անցնելուց ,ապա ենթարկվում է արդեն  քրեական պատասխանատվության։Վարչաիրավական և քրեաիրավական հարկադրանքի միջոցները չարիքի դեմ պայքարելու գործիք են միայն ,սակայն փորձը ցույց է տալիս ,որ վարորդների մի մասը  տուգանվելուց հետ շարունակում է ալկոհոլ օգտագործած մեքենա վարել ։

Հարգելի վարորդներ ոչ սթափ վիճակում  մեքենա մի վարեք , մի գերազանցեք սահմանված թույլատրելի  արագությունն ու վտանգի տակ մի դրեք  ձեր,ձեր ուղևորների  և այլոց կյանքն ու առողջությունը։Այդ սխալը կարող է ամենաթանկ մարդկանց կյանքն արժենալ։Ցավոք շատերը սա գիտակցում են դժբախտությունից հետո միայն ։